Mwendwa Ka Eddie thoma maya,
Múka uri mwana ndoraga,
Múndú úbataíre ndanogaga,
Ruo rúriaga mwene,

Ndona wega nyandike mangi,
Kwa mwendwa gutiri irima,
Application ítumagwo,
Igetererwo macokio mega,
Macio uranjokeirie ti mega,
Tondu korwo matiari mega,
Ndúngianyaniriire redio-ini,
Tutambite kwaríria,

Cia nginyanirio nicio njúru
Mwendwa ciatumire unde,
Muhahi wa aria matonaga,
Ndirúrie ciao íri kinya,
Wathecirwo key ya 90,
Ukirugama ta múruri,
Uria ukoragwo njira-ini,
Útemagwo wetíkanirio,
Ukiriganirwo, we we mundu,
Nduri múti wa gwotwo ngú
Úgaruruke na wicirie,
Ndeto njega ní iria njarie.

Ka Edith, onawe mwendwa,
Kai utatarite ukamenya,
Kilometer cia kuuma kwanyu
Nginya gwitu Kinangop,
Kuú weritwo, ati ni waru
Ndathiíte kúgura raithi,
Wagíukaga kú gúthurima,
Kana ní kúgura mbaú?
Ciagwaka na útígite míti,
Micií iria itangitarika,
Kana ní wendo waingirite
Ucio Mugoiri gutari.

Mirimu ni mithemba miingi,
Na gutiri utari wake,
Wakwa wari wakuguruka,
Na ngoma ndigituragia,
Ndirerirwo ni anake a kwanyu,
Twacemania ndunyu Kanyua,
Ati uranititwo ni malaria,
Maria manene ukabuiya,
Ukanjia kuhanda mboga nyumba,
Ugíkurithagia nguku thumu,
Na mikebe uciohete maguru,
Itware mugunda.

Fremona ndauga ni pole,
Kuri we mwendwa Ka Eddy,
Na niingi no ndirenda
Wendo witu nawe ukamilike,
Ndigage kuiguaga kieha,
Riria nguigua wi muruaru,
Ngiringagwo ni tha cia ciana
Hindi iris wi thibitari,

Akorwo ni wagiire ndebe ingi,
Onawe ndiraigwire ukiina,
Maundu no ngúririro,

Hika hika narua murata,
Mugogo utanatendera,
Ona akorwo ní wagethete,
Ndwagethete ukanina biu,

Ní watigitie cia maitika,
Gwitu kimera no kimwe,
Hika narua, mbuura itanaura,
Utenderu nduri njamba,
Waga kwihika,
Ngucigetha, njitirire ikumbi ringi,
Njoke ngomborithie mugunda,
Ní aingi mabatairio niguo.

Mugoiri Original Sisters
Mugoiri Original Sisters

Songa, Songa Songa nao,
Ní waígua Ka Eddy?

“`Ends“`

Credits
Nephat Nduati &
Mugoiri Original Sisters
Macokio Ma Fremona