..Marirú íkíombora mítambo,
HM nyombore o kinanda,
Marirú twombore mítambo…
Marirú íkíombora mítambo ní ngari ya mwaki(múgithi) ígereíre ígúrú ría reri; múgithi wakoretwo woka na múthúngú, nakio kinanda kia múgeto gígíuka miaka-ini ya 1930s
Aría mahúraga kínanda gíkí kígeni Gíkúyú-iní, ní monekaga ota mombokaga ota maríru mítambo-ini magakínya íkinya rimwe na makaúna na múinire úyú ugíítwo MWOMBOKO
Nake HM akíina atírí;
Ní njúragia kaingi nií HM,
Na ndire ndanita macokio,
Turatuírio kianda,
Ríria túkúomboka,
Kwí mbúri ya múndú túíyíte?…
…Múkaúma na nyondo
Woi rika riakwa,
Na nií HM
Ngauma ona kugucia kinanda
Marirú íkíombora mítambo…
Oho HM ní amúririkanirie úhoro wa Marirú íkíombora mítambo akiuga atírí;
Ndathire na útukú
Ngicoka na útukú
Ta Bono yendetie kabuti,
Gitoi níkíúru kiraragia kíuí njira-ini
Marirú íkíombora mítambo…
No úndú wa ma ní atí, mwomboko tí nyímbo kíhumo cía Agíkúyú, mwomboko warehírwo ní thíríkarí ya múthúngú na kanítha nígúo mahúrane na MÚTHÍRÍGÚ úria warí ígúrú híndí íyo na wamenagíríría MÚMA WA KÍRORE ona kúnyarírwo kwa nyúmba ya Gíkúyú.
Miceni(Bono)cígíkíhe akúí ínanda cía múgeto na mbeca nígúo momboke andú maríganírwo ní Múthírígú na níkío rímwe úngíthíkíría mwomboko wa tene no úremwo kúníta ndúmíríri.
Múthiya-íní aini ta a HM na a Maranga ní maíníre nyímbo cia ndúire(folk songs) na íngí ciao njega magíteyaníría úría mataragwo ní kanitha maíne.
