Íthui no íthui twari kuo Na no ithui aya
Twehitiirwo ni andu othe nginya mbuuro

Tukiohomwo,
Tugithamio
Na no ithui aya

Twombaniirwo ni andu othe
Nginya ngati
Twatuitwo rukungu ni Nyakeru
Ngai akiuria mbura tukihanda

Andu aitu mutikorwo ni hinya
Kindu kioma ni uthingu wa mwiri

Na wendo wa Ngai urume wa nyambo
Hinya witu umaga kuri Ngai
Aria atongoretie matingiura

Gikuyu ni ithui twari kuo
Na no ithui aya

Kurathimwo ni Nyumba ya Mumbi
Hindi iria twanyarirwo ni andu a thí
Ni guo Ngai atwongagirira muno

Andu aitu ciana ici tuciarite
Tondu ng’ombe na mburi gutituire
Gíkúyú mbeu njithi yonererio kuara

Indo iria nyiingi ihuthagirwo Kenya,
Ngwenda mumenye ni inyui mwihokweirwo
Tiiri witu mutikarekererie
Ni kwari murimi na murií

Kiugo kia Gíkúyú
Ni mugambo wa Ngai
Kahii kai wariganiire iganjo?

Mbaara ici murona ikuruo
Aingi matiaruire túkírúa
Na angi matiri na bata na tiiri

Gíkúyú mwimenyerere maangú
Twaingatire nyakeru na rurimi
Tukiuga; marothuurwo ni tiiri wa Kenya

Ngai wiitu ari o Kirinyaga thúmbí
Ni erire Gíkúyú na mugambo
Kúuria gwothe maitho maaku marona,
Ni ndakuhe hamwe na njiarwa ciaku;
Itwamba noru na ngamba noru
Gíkúyú, gutiri mundu
Ugakuruta kúo

     Iíní!

Nyumba iitu ndimuririkanie,
Kirumi gia Kenyatta kiri ruoya;
Mundu uria ukamunya itoka cia Kenya,
Kana ecirie kwendia tiiri uyu mbeca,
Agakahuka matu na maniuru,
Na Ngai ni akamwikira ndaimomo kiongo

Anabií ni aingi Gíkúyú-ini
Marahurania ngoro cia muingi,
Mwacokania ndundu
Muirane atia?
Mugutuira atia tutari twerwo?
Na Mugo Wa Kibirú ni akuire
Kiu ki
Rekei tweterere itua ria Ngai

      Interlude

       Fades

Credits
Legend; Joseph Kamaru
Track; No Ithui Twari Kuo
2008