Gùka;
“Mwana wa mwana wakwa,
Ngwiraga ùtùike mwana mùùgi,
Utumage thogwo akene”
Niì ndirikana guka witu ngarira iì
Ndaririkana uria aheaga mataaro meega
Niì ngarira guùka witu,
Nìaheaga mataaro mega,
Anjiraga ndirikanage ciugo ici iì
Kindu kia mbere hari mindu,
Ni kugia ùgi
Gia na ùgì kamwana gakwa
Gìa na ùgì kamwana gakwa
Menya gùkaùga woì,
Narìkorwo nì ndoì
Niì ndìkarìganìrwo
Nì mataaro ma guùka witù
Guka;
“Na towe wiki ndirera
Ona mwarì wa nyùkwa mwire uguo
Niì ngìngauka
Ndukanauge ndiakwirite”
Nyuaga maaì ma githima-ini giaku we
Ma kwaraha nì macunagirirwo ni hiti
Gìa na ùgì kamwana gakwa
Nì mataaro ma guùka wiìtu
Ndùkanaitange riri waku kamwana we
Ndùkanawige haria aria matari nawe
Gia na ùgì kìmwana giakwa
Gìa na ùgì kamwana gakwa
Menya gùkaùga woì,
Narìkorwo nì ndoì
Niì ndìkarìganìrwo
Nì mataaro ma guùka witù
Guka;
“Kamwana ngwiraga atiriri
Mùrìo nduninaga ngaragu,
No nì ùnìnaga magego
Iì na ùkerira
Kìu nìwe ndera”
Wakoma muno irathimo ndunhiciona we
Ukagira tene
Niguo ùkagaya na aria angi
Toro mùingi ni wa kigùuta
Ukìra tene mwana wakwa
Muhiki utari mucimamo ti mwega iì
Ni ta gicuhi gia thahabu iniùrù-ini ria nguruwe
Cùthiriria mithiìre yake
Cùthiriria mithiìre yake
Ona wona e muthaka
Cùthiriria mithiìre
Tùìka mùthomì mùugi
Na wonage kùraya mùùriù
Guka;
“Na tondu wi njamba njithi ri,
Urugari wauma kiara gìa kùguru
Urì o mùtwe,
Wi menyerere muno we”
Ngumo njega itumaga mundu
Agie ìgweta iì
Na ngumo njùru igatùma wìtigirwo itura
Menyerera mithììre yaku,
Nì mataaro ma guùka wìtu
Njagathi itambaga na tuoko tunini iì
Na nì ìingiraga nyumba ya muthamaki
Gia na ùgì kìmwana giakwa
Gìa na ùgì kamwana gakwa
Menya gùkaùga woì,
Narìkorwo nì ndoì
Niì ndìkarìganìrwo
Nì mataaro ma guùka witù
Gùka;
“Kaì uraguga nowe wiki ndirera?
Ona mwari wa nyukwa mwire ùguo
Iì niguo ngingauka mutikanauge
Ndiamwirite”
Mùhiki muthaka, ngirwo ni magambo iì
Ariaga nyumba ya ngoroba igathira
Ngeyuria guùka wanjira atia,
No riu ni menyete niguo
Ndukaguciririo ni uthaka ucio wake
No atume ùgatùika muhoi wa irio we
Gia na ùgì kìmwana giakwa
Gìa na ùgì kamwana gakwa
Menya gùkaùga woì,
Narìkorwo nì ndoì
Niì ndìkarìganìrwo
Nì mataaro ma guùka witù
Muhiki muthaka aninaga muthamaki
Ona wi njamba muhiki no akunine we
Samson ari njamba nene
No umenye ni akurirwo maitho
Menya gugacakaya ni urimu waku we
Nyama cia mwiri igakorwo ikunjarite biu
Wimenyerere mwana wakwa
Wimenyerere mwana wakwa,
Menya gùkaùga woì,
Narìkorwo nì ndoì
Niì ndìkarìganìrwo
Nì mataaro ma guùka witù
Guka;
“We kimwana,
Tondu ndeto ndagukundia ta ucuru ri,
Iì na nì ukiùì mundu muùgi ndari mihere ya uhoro,
Uhe mwari wa nyukwa kiugo kìu
Nake aririkanage
Iì tondu no maitho urakurangurira hau…”
“`Fades“`
Credits
Wainaina Wa Kiandege
Track; Mataaro Ma Guka
Kiandege Super Stars
