Híhí wanaígwa kerwo atí
“Aronire KANYONÍ WA NGETHE” úkarigwo Kanyoni uyu ari ú, tega matú ta mbawa ríu ngútaríríe

Tene múno mbere ya riíka ria Ndemí rúrírí rwa Ukabí rwarí na kírítí kinene gíakínyíte o kúuria Ndia, Kirinyaga kúúria mariíthagia mahíu mao.

Híndí iyo rí, Rúrírí rwa Gíkúyú nígúo rwatheremaga na mwena wa Írathíro ng’undu-ini ciiri Kabete na magithií makígura ithaka kúúma kwi Athi, Gumba na Dorobo aría maikaraga kuo na gúgítuika búrúrí wa Gíkúyú.

Na tondu Múkabi ari múgíti rí, ní ahúraga Gíkúyú múno akienda aúme kuú Kabete makíuga ní búrúrí wao wa kúrííthia mahíu mao

Nacío jamba cía íta cía Gíkúyú kúúma Gaakí(Nyíirí) matongoretio ní Gakere na a Metúmí (Múrang’a)matongoretio ní Kanyoní ní matúíre mahúre Úkabí mamarúte Kabete kaimana.

Íta ní ríakíbangírwo na míranú ya Gíkúyú ígítongorio ní Kanyoní múrú wa Ngethe makíhíthúkira íta ría Úkabí haría mwena wa Ngúírúbi, Ndeíya o rírí mararuga mítwe mínorú ya mahíu mathínjíte;

Hwa-iní ucío Ukabí ní waígwire múrúrúmo wa jamba cia Gíkúyú amú Kanyoní wa Ngethe ní acucangire míranú ya Ukabi na rúhíu rwa njora ngínyagía íta ríothe ria Ukabi ríkíigirira ndira ciande nginya magitiga mitwe yari mínorú,
Níkio nginyagia umuthi kwiragwo atí
“Úkabí Watígíre mítwe yaarí mínorú”

Ríu Kanyoní mena Gakere maingata Úkabí Kabete ní mahandíre itoka haría Úkabí utangiakirire ríngí kana monane na Kanyoní Wa Ngethe riingi

Kanyoni na Gakere ní njamba cía Gíkúyú, ní matúhandire itoka kúúria Ndeiya na magítongoría íta kúgutira búrúrí wao wa Gíkúyú