Wooi, tarekei ndimuhe uhoro
Wooi, tarekei ndimuhe uhoro
Ndathire Majengo
Ndoiga ndathire Majengo
Gucerera Fatuma
Ngiirwo nduikare thii
Wa Mwenda ngurugire cai woi woi
Na mai makihagirwoooo
Wooi, tarekei ndimuhe uhoro,
Mwimenyerere Majengo
Oriri mai matheruka,
Ngiigua Wa Mwendaaaaa
Gutiri macani,
Ngigua mondo, macani ni mokire woi woi
Na guku no turateretaaaaa
Wooi, tarekei ndimuhe uhoro,
Mwimenyerere Majengo
Oriri macani matheruka,
Ngiigua Wa Mwendaaaaa
Gutiri cukari,
Ngiigua mondo
Cukari ugitengererwo woi woi
Na guku no turateretaaaaa
Wooi, tarekei ndimuhe uhoro,
Mwimenyerere Majengo
Oriri cai watheruka,
Ngiigua Fatuma anjuria,
Wa Mwenda, kana ni ukunyua kabiaru?
Ngimwira Kiambu twi ng’ombe nyingi woi woi
Nake akijokeria, gutiri iria
Ngiigua mondo,
Iria rigitengererwo woi woi
Na guku no turateretaaaaa
Wooi, tarekei ndimuhe uhoro,
Mwimenyerere Majengo.
Oriri cai watengurwo,
Murango Ko! Ko! Ko!
Jaba ithatu, ikiingira,
Ngiigua merwo Karibuni!
Guku twi Nairobi woi woi
Makinengerwo mundu
Wa gikombe kiria gitagwo Nguuuu
Na nie Wa Mwenda
Ngineo na karia getagwo wajika atia
Tarekei ndimurie andu aituuu
Nyuma murugirwo kana muruganiriiii?
Woi tarekei ndimuhe uhoro,
Mwimenyerere Majengoooooo!
Joe Mwenda
Track: Majengo
