Ndathiire gúcaria múini njoorua ya gícandí Karanja wa Nduuta ngíkora ní akuire, ngíthií gúcaria Mwangi wa Gíthaití ngíonio mbíírira, ngíthií gúcaria Múigai wa Múcúnú andú makíinamia maitho makínjiíra ní akuire, ngíthií gúcaria Mwangi wa Gacathi ngíkora ndatúire, ngíthií…

Na ndaathií gwa Kamaarú wa Wanjirú akíndora keerí agícooka akinyinira atírí

Gííkí ti gícandí ngúina,
Maya ní matemo makío,
Gítúmi ndiarí múúgí,
Wa kúmenya ngúgútú thaata
Na íría írí na ihu

Ona ndiakúúranííte kúmenya
Mwere, múhía na úgímbí
O na múkobi na mwethia
Na ngúgeria gwetherera ngaaga,
Na kígotho baba ní akuíte ,
Akínyíríte mútunda úyú,

Ngúuria kana ní kúrí útúire,
Anginyonereria kwara,
Riitho únyonere ií maitho,
Nawe gútú únjíguire,
Kagúrú úthíre Ikamba,
Ngacarie mace ya rúngú,
Nií wa Wanjirú í ngerice…

Kimani Wa Njogu 1993