Nguririkana Wanjira,
Uria twendanite wooi,
Ndiramwetha ngamwaga
Thakame mwiri wothe ikenda kurugama
Nikio no woone,
Mundu agithií akiyaragiria njira-ini
No ti kwenda ni thiina,
Angi ni gukuiirwo
Angi ni kurogwo
Na magerio maingi wooi
Kwari muthenya wa kiumia
Twathiíte guceera ii nake
Picnic ya wendo,
Juma iyo twerekeire,
Tugiike uhiki
Tondu wendo witu,
Twendaniire cukuru tugithoma
Nguririkana, mbeca cia kubanga uhiki,
Akombete wira-ini,
Ari mundagitari,
Na nií kwendia thubu Dagoretti
Arí mundagitari
Na nií kwendia thubu Dagoretti
Twaumite múcii,
Tugathií guthambira nake River Tana
Tugakuwo ni boat,
Na tugakuwa ndoano
Tugatege thamaki
Tukiumagara,
Ni erire aciari ake twathie na tutiguikara
Akimera bye bye,
Na mumenye muthii ndaumbikaga irigú
Akimera bye bye,
Na mumenye muthii ndaumbikaga irigú
Nitwakinyire,River Tana
Na tukiingira rui tuthambire
Nakio kingangi gigiuka kirakaire muno ií ni kuhuta
Gikigutha boat,
Ithui eri tugiikio ruui twi na mwendwa
Ni twageririe gutubira
Niguo tuhonokie mioyo itu
Natutanaimira,
Gigiturumirira na tutimenye
Natutanaimira,
Gigiturumirira na tutimenye
Nikiaringire Wanjira,
Gigimutinania maita meeri
Akigeria kungaira
Timona ndakua wooi
Ndagutiga nau?
Ndona uguo ngiura maitho,
Ndaririkana Wanjira ena nda yakwa,
Ni ndageririe ndubire,
Ndue na kingangi kaba kinjurage,
Ngigutwo ni gikumbo,
gia thakame yake ikiiyura mwiri
Thigari cia game,
Nicio ciahonokirie
Ona nií ní ingiakuire
Ngutura ndiraga nginya ri
Tondu ndikamwona ringi woi Wanjira
Twethire mwiri wake,
Rugongo nginya kianda
Wooi ukinyua kagera
Ngituria ndu ngiriraga
Ngiuria Ngai Baba wakindunya niki?
Nari korwo wareka,
Akinjiarire kaana thakame yakwa,
Ngirigwo ni nyinuke,
Kana ndiikie ruui ngue ndimukinyire,
Ni ndathaithirwo ni raia iria yokite kuhoreria ngoro,
Ngikuua nguo ciake
Iratu na kamithi ngicinukia mucií
Aciari riria monire
Ndehetwo ni andu eri tukiriraga
Mbu ikigua itura riothe,
Wanjira wakua wooi
Uhiki uri muraririe
Mbu ikigua itura riothe,
Wanjira wakua wooi
Uhiki uri muraririe
Na inyui aciari woi a Wanjira
Ndamuthaitha wooi muhorerie ngoro,
Tondu gikuo ni ciira
Utacokagio appeal
Ni kwenda kwa Ngai
Nguririkana ií Ayubu
Atunywo indo ni Ngai
Ndatuire undu,
Gwitikia kwa Ayubu
Acokeirio ciake maita meeri
Nainyui arata akwa,
Mukage kumbukumbu
O mwaka cia Wanjira
Tumuririkanage,
Wanjira wanjuriire
No ti kwenda
Nawe Ngai Baba uige
Wanjira hega no tukonana
Nawe Ngai Baba uige
Wanjira hega no tukonana
Kuú Iguru
We Ngai Baba,
Uige Wanjira wega
Tondu ni muraigwa,
Uria River Tana ingangi
Iranina andu,
Mwimenyagirire
Timona Mburu
Track: Gíkuú Kía Wanjira
Gatanga Stars
1991
