Rugwiti Wa Njeri uka na ndugoke uri wiki,
Ngwenda athuuri kenda ngicokia ciuria ici cia Nduru
Na atumia kenda matuite maciara
Mathingira kenda Kabete na Metumi irungií
Nduru Wa Gathoni giuke na uke ta muthuri,
Nigetha witikie uracaria nguri ma iri o ngoro
Kuga uguo ti kuuga Gikuyu nikiri mwarimu
Mukomania mwaki utari thenya ndaninaga ndogo
Kira O Uguo!
Mundu uri na thahu kioe mutugo wa Gikuyu,
Ndahikio ni nyingi kuringana na thahu wa mundu;
Thahu uyu niuriku?
Ndahikanie muigue
Na ungiciarwo naguo,
Miti imwe ni yaigagwo iteti
Ngukigweta yothe;
Mutei ,mukenia,muthakwa
Mugumo,mukura,
Na muú na irenge ria mweru
Tahika wariganiire kiria giatigara
No ekiragwo ngingo Gikuyu ndahikio ikaigana
Kira O Uguo!
Magongona maingi o mburi na igongona riayo;
Ndirathija iriku na ino ndingiminyuira mbaki
Guthondeka múcií kana ni ya niguciara mwana ,
Mariúka na ihaki, ngurario niitwo thií muigue
O riu!
Nduru Wa Gathoni ke ngwire,
Gaka ni kaguai guthondeka múcií
Mburi ino ndiariagwo ni angi
Na ya kuguraria miige haha wone
Githuri, muthiori,mutura cia mugendi wa ithe
Ngerima mutiiri kagíri ni ka mwene múcií
Ihu ria atumia na muromo nĩ wao na athuuri,
Kiiga na mahuri ngunengera anake,
Rurimi kurikia rurio ni murui na ithe
Nyumba ya Gikuyu thikiriria;
Kweru ni kwa mburi
Kiriri kia airitu na thegi tukaiga irio hiu
Ruri ni nguiga ngu na maai na
Bengi ya mwatu
Rwekiragwo nyama na úki
Na njúua cia itonga
Kweru ing’urikiro mutumia aguthecwo gicinga
No kanua araringa na mwana ndangirekia nyondo,
Ruri rwari igweta niundu wa kwihithwo
Ni itharia Na kwari kibacha-ini
Kia ndurume njega cia muthuri
“`Fades“`
Credits
Joseph Kamaru
Track; Mitugo Ya Gikuyu;
Macookio Ma Nduru
City Sound Band
Kamaru Music Store
