Tene rí, kweragwo atírí; mwari wa ndogonye tiwe mwaúri…
Harí mathaga ma andú anja, harí ithaga ríetagwo ndogonye,
Ndogonye yekíragwo haría thúngwa-íní ya kúgúrú; múírítú ohagwo ndogonye ya mírínga míerú ní íthe nígúo atúríe úthíngú wake ona nyiíngí kwonanía múírítú úcío níakínyíte wa kúhíka no tí múhíkú na ní gathirange.
Na gúkíírwo atírí; ndogonye ciohorwo maronana menduíríro;
Ríría múírítú ahíka, aúragwo ndogonye ní mwanake úría wamúhíkí útúkú úcío maronana menduíríro, akíaúrwo ndogonye rí,
gúgakíonanía tí gathírange rííngi
Ií híhí riígí rírarí ría míúgú kana míare?
Nao Nyakínyúa makíina atírí, ndímúitaga rítwa, ndí mwítaga wanyoníre, akínjohora cía moko na magúrú…
Ona mútiga-írí George Wanjaro rwímbo-íní rwake rwa kúramana akaúga atírí,
“Mbere yakú ndarí na úngí ndendete ngenínira,
Agíthií ndíamenyíre ona ndímúohorete ndogonye…”
