Níi ndoka Kamaru!
Iíí nií uyu!
Wandekeirie mwana Kamaru
Njuke na ni ndoka
Tuthomithie ciana
Kana njiarwa miti ya Gikuyu
Ni ngwamba kúmúúria nyúmba iitú,
Túmaririkane,
Gíkúyú na Múmbi
Ithe na nyina wa rúriri rwitu
Itanaikara thí Kamaru
Nguthomithia ciana,
Miti yari míingi ya kiriti
Na ingi ya weru-ini
Muti wa Mugumo utongoretie,
Mukuyu, Mukurwe,
Yaari ya igongona
Nagwo Muiri ni wayagwo ndiri
Yaari mawira maingi ií!
Muti wa Múringa wayagwo iti
Mutuya ni itunda,
Nagwo Murumandi,
Watuagwo múnduri wa nyúngú
Na Mukarakinga na Conge
Hamwe na Múthunga,
Iyo ni miti imwe yekiragwo
Thati-ini ukibirwo
Nguthomithia ciana Kamaru,
Kirangi kia huko
Na nikio gitati kieyagwo muti wa Mwenjere
Na nyambo cia rúua
Ciecuhagio muti wa Mukenia
Na muthima mburi mathinjirwo
Tugatua Mithakwa
Muti wa Murowa
Wayagwo miatu ya njúki,
Múramba ti múti
Mwana aciarwo atemagirwo irigú
Itanaikara thí Kamaru,
Reke njire ciana,
Miti ya matunda ma Gikuyu
Tondu mari maingi
Mutuya ni ituya,
Matunda Mukawa ni ngawa
Mubiru ni mbiru
Na matunda Mutare ni ndare
Munathi ni nathi,
Mukambura uciaraga ngambura
Ni kwari Thigiyu na Ngoe,
Nganaiyu, Mongoiya
Iria yatigara ti nií nyiki njorua ya Gikuyu
DK na Nduru na Kiratu na Ndicu matwire,
Ngirikia gukwira Kamaru,
Ndukandirikanie,
Mbaara yari nene mageneti ikinina…
Yaari nene íí
Na umenye yaari nene
Arume moigaga mbu
Ndahuritwo ií
Ngathanirira miatu
“`Fades“`
Credit
Francis Rugwiti
Track; Miti Ya Gikuyu
Banana Hill Band
