Ngúri Kúuma athíníre akihúra plan,
Akihingura wabici ya baku Nairobi
Akiandika Múganda umwe ari ta wakiri,
Na turani twa caba, nake na airitu
Agitangatha ari na múgúnda arendia
Mundu ukwenda kugura athií akeyonere
Ndwarí múgúnda wake,
Nikúria ngúrú,
Wari wa mútumia wa múrú wa nyina
Níguo agúri monagio na múndú akerwo;
“Úgoka na aira na mbeca twandikanire,”
Múganda akaíhúria form,
Na irore ciao,
Makerwo manina mweri magíre title
Kúria ngúrú!
Arúme kenda, o múndú ngiri fifty,
Ngúri Kúúma agíkíra mondo akíhepa
Andú a mbere aria mathire kúgira title,
Makorire wabici ní ya hingirwo,
Na nyúmba ikígarúrwo ígítuo bar,
Ya kwenderio karúbú na mútukuru.
Úngionire mútongoro wa mítokaa,
Makiuma kwa borithi,
Wauga ní úhiki,
Kenda kenda iri mbere,
Imatongoirie,
Makagire Ngúri Kúuma akahingirwo,
Makinya magikora
Kuú ni maganjo,
Ngúri Kúuma na andú ake mathiire tene.
Kuhepa!
Makiamba kúnyua,
Ní mathirí na marakara
Amwe ana makígucania,
Ringi múkuiku,
O múndú athií akonanie
Kúria endeirio,
Mamakire múno,
Mona ní mahenirio,
Mona múgúnda no úmwe,
Othe mendeirio,
Na gúthúkia múno,
Ní makorire mwene,
Múhiki úcio na andú ake,
Magituguta;
Borithi metia múhiki title
Akirega,
Akiringa kúuga mbu
Na gúte nguo;
“Ndingítunywo múgúnda
Na kíraúni, atí tondú,
Múthuri wakwa ní akúire”,
Agííta anake narua na íhenya,
“Ndíratúnywo atia múgúnda,
Múíkaíre múcií?…”
Úmaí na gúkú!
Híndí iyo e núí,
Akínyíre shamba!
Anake ake mokire,
Na hiú na nguí,
Makíírwo ní thígari,
Gútiri mbaara,
“Ní twona file cia andú aya,
Ítirí míhúri,
Na map íno yanyú hamwe
Na title yanyú,
Mathií methe Ngúri Kúúma
Na wakiri úcío,
Macokerio mbeca,
Gúúkú ní kwa mamboyo”
Aaaah! aaah!
Úuka!
Ní kúseo, aaah!…
“`Ends“`
©Credits
Mwalimu James Mbugua
Track;Ngúri Kúúma
Les Orchestra Karura Brothers
