Ndakorirwo ni ngumo gwitu Kenya,
Ati Uganda mbeca ihuana muthanga
Ingikinya Kambara(Kampala) na magendo
Niguo ngatonga ndigathukuma ringi
Múhaka-ini wa Kenya na Uganda,
Malaba niho ndoneire thiina,
Ndari na indo nyiingi
Cia kwendia ndonge
Ndatunyirwo nyonereirio mucinga
Hií!
Githi aria manjiraga ni maheni,
Ndiri kindu ndonire tiga thina,
Nderirúo njige nguo ciakwa thí
Ona iratu ngitunywo ni majeshi
Tiga ndarí na mbeca,
Ní ingiakuire,
Ngihakana na magana matano,
Thigari cia kuú ihana hiti,
Ungithií kuo wi múnorú ndungiuka
Aaiiiiya!
Múthíí tene nake acokaga tene,
Ndehitire Kambara nií ndigathií
Na magendo ma urimu;
Wamucoka, Gikuyu giitu,
Niguo uriaga mundu
Angikorwo mbeca ciunganagio thí
Kuú Uganda gutingiri ngaragu,
Nairobi town i indo nyiingi
Kambara nikií nguthií kugira?
Nikií?
Sitaenda!
Sitaenda Kampala!
“`Fades“`
Francis Rugwiti
Track: Múhaka-ini Malaba
Banana Hills Band
1977
