Just after Murang’a town, few kilometers to the North is one the most revered places amongst Agíkúyú people, a place known as Múkúrwe Wa Nyagathanga tucked in between the thousand hills of Gaturi a place considered as the first abode to Gíkúyú and Múmbi ithe na nyina a rúrírí rwítú.

Matúúra maría marigicíirie ítúúra ría Múkúrwe wa Nyagathanga metirwo Gaturí amú híndí ya mariíka ma tene níkuo kwarí na íganda nyíngí múno cía úturi wa índo cía cuuma; níkuo kwarí gítwe kía úgo wa Agacíkú wa úturi.

Iganda cia atúri ciakagwo kúndú kwína; ithanga(iron ore) maaí maíngí, na kúndú kúraya na kúría andú maíkaraga (níkio ona úngíririkana rúgano rwa mútúmia múciaíre, múturi na írímu, múturi úyú ní atígíre múka agíthií kíganda-iní kíarí kúraya múno.)

Gaturí kwarí na índo icio ciothe níkio gwathondeketwo njiikú(smelting kilns/Furnaces) cíagúcina íthanga na gútwekúra ígera nígúo cuuma ciagúturwo cíoneke.

Kaingi njiikú ciakagio mwaki útúkú na ní ciarutaga mwaki múnene na múhiú múno úkahúna rangi wa igúrú(blue) wonekaga ní andú me kúraya na amú andú matíetíkírítío gúthií íganda íní amú atúrí marí andú a hítho na úgo wao, ní marígagwo míaki íyo ya mageganía ní yakí míingi mítítú-iní ya Gatúrí,

Andú magakírana atí ní míakí ya arogí magíthondeka íthítú na úrogí na ndúuma na andú magígítanagía Gatúrí na úrogí no índí tí úrogí wathondekagwo ní íganda cía atúrí

Gúkírí o úgúo, atúrí ní metíyagíra úgo wao ona matíendete kúhíkanía nja ya ndúka cíao nígúo magítíre úgí wao, aturí ní mekíraga ithaga rítagwo múthiore rwí ta rúri rwa múndú múturi.