Mbica icio mwona cia itungati,
Nicio twahuriirwo Kinyona,
Ni ithui twa rugamiriire ugo
Nake Wang’ombe aragurage

Mundu ucio mukuona akomete,
Niwe Ndungu Muru Wa Gicheru,
Niwe uharurukagia ndege ciukite guthinia itungati

Kuuma Muthithi na Kariara,
Mutungatiri Wa Itungati,
Niwe Gitau Matejagwo;
Niwe warehithitie mbica

Jamba icio matumwo Ndaka-ini ni Kimathi mari na Mbaria,
Niciatharikire na hinya nginyagia atongoria magikena

Njeri muiritu wa Kariara na
Njoki muiritu wa Iyego,
nio acio mukuona mbica-ini
magitungatira itungati

Ndaka-ini kwari ndeto nene,
Njamba cia Gikuyu ciakinya
Mwene Nyaga agicirathima,
Ihii ikiria nyama cia heho