DK nindakuria ungiriririe ií
Tondu ndiamenyete kana ni murata waku
Ni kairitu ndeyoneire gatari na mwene
Na ngitua ciira no nginya ndigathukie rangi
Kúria twacemanitie no nií nyiki njúí
Na uria twekire wothe riu ni ngukwira
Nginya marua na mbica ciothe ni ngukuonia
Ndingienda tumenanire muiritu urí gwa ithe
Riria wari ruraya thikiriria ngwire,
Ndathiaga Nyandarúa kurora mugunda
Ndakinya Naivasha ngiona kairitu thitenji
Ngirugama ngikoria uma kú na wathii kú?
Kairitu gakinjira kwao ni Nyírí
Na karathií cukuru iri Kinangobu
Na mbeca iria kauma nacio ciaiyirwo mbaathi-ini
Macungiririo twathire nginya Naikuru,
Tiga kuhiuha kiongo ke nguhe uhoro
Twakinya Naikuru nitwakuhitiirie;
Tugithie iria-ini guthambira na boat
Tugithie Longonot kuhurwo mbica
Tugithie disco,
tugithie thenema
Tukiria githungu,
tugiikurukia na kiss twendanite biu
Njohera tondu ndioi ati ni murata waku
DK reke ngwire ni twariire maica
Kinya ngiriganirwo ni kurora mugunda
Maya ni marua nacio ici ni mbica
Tarora ino iri nyeki-ini wone uria twaikaire;
Tiga guthukia mata ngikuherera
Ndaguthaitha ndakuonga ndioi ni mwendaine
Ngimucokia cukuru jumatatu kenda
Ndiakuranite rangi kana giceceni
Ngiriha fithi yake ndiroreirwo ni ciana
Kihii kimwe kioigaga ucio ni Kamaru
Ndacokire Nairobi itonete mugunda
Dk njohera tondu ndioi ni mwendaine
Benga Interlude
Iiii, Aiiiiya Iiiya
Takeigwe!
Kai rimwe ni ihuragwo ikarehe igego ií…aiyaiyaiya!
~Fades~
Credits
Joseph Kamaru
Track: D.K Njohera
Year: 1976
