Nii nindorire andu aitu Kurigwo ni kuuru
Nii nindorire wooi ngionaga na maitho
O ngiinaga rwimbo ngauga gwitu ni Gatanga
Ngekira korathi(chorus) ngoiga gwitu ni Kigio
Ngatariria wega ngoiga gwitu ni Giatutu
Ngatariria wega ngoiga gwitu ni Giatutu woooi
Cecilia angikorwo thi ino kwi dawa ya wendo,
Nii ndingiconoka ngiuga niyo we waheire
Ukinjoha muhindo ungucagie ta ngo’mbe
Nigetha ndure ngumaga thutha ota kana
O uria we waiga njitikagie ta gitiro,
O uria we waiga njitikagie ta gitiro woooi…
Cecilia We!
Ingeheo mbeca kuria hetwo kibarua
Njukaga na ihenya, ngakurehera o ro nyumba
Ndari ma ukandunya ciothe ugekira nyondo-ini
Ndanyota ni thigara ukangirira duka-ini
Ukine mbeca no nguturiirie maru nguthaithe
Ukine mbeca no nguturiirie maru nguthaithe, woooi
Ninduiritie ngona we ma Cecilia nduri tha
Njiriga gutumanirwo ni bratha yakwa
Ngiirwo thii mucii naihenya maitu ni muruaru
Ngigwitia mbeca thií ukiuga macio ni maheni
Wakirire ukinjuria kari nií ndagitari
Wakirire ukinjuria kari nií ndagitari, wooi
No kai.. kweri.. we.. Ti undu
Ndari gutiri mwana wa nda na wa mugongo
We nyukwa angirwara homa utindaga kwanyu
Uthaithage ndiire wira niguo tu thii nawe
Tugagithii gitumi we niwanjikariire
Tubeca turia urehithiire ukaroria kwanyu
Tubeca turia urehithiire ukaroria kwanyu woooi
Rimwe ni ngiraga ngaigua ta ingiruta muoyo
Ni uria we unyaririre na nigwo ngwendete
Niguo thukumire na ndiri thuruari igiri
Wenda we wikiraga fashion o iria yoima
Wiyohaga, wemotora ukahana kairetu
Wiyohaga, wemotora ukahana kairetu, weeee!
Nii nindorire wooi ngionaga na maitho
O ngiinaga rwimbo ngauga gwitu ni Gatanga
O ngiinaga rwimbo ngauga gwitu ni Gatanga
Ngekira korathi ngoiga gwitu ni Kigio
Ngatariria wega ngoiga gwitu ni Giatutu
Ngatariria wega ngoiga gwitu ni Giatutu wooooi!
Cecilia! gutiri undu
Mwendwa, mwendwa, gutiri undu
Wana Giatutu, wanakuja, wanakuja!
Uka nake, thungutha thungutha!
…Fades…
Karanja David
Track: Cecilia
Giatutu Boys Band
