Nguita maithori niī Wanja ngirio nuū?
Mwari wa maitu Queen Jane uka nguhe uhoro
Mwanake ucio uragutumite mwire atiri,
Witu nake ma ni mutogu tutingicokanwo
Korwo kwa mweri kwi nyumba cia guikarwo,
Nderutaniria gukinya kwo kaba thiī ngakombore
Korwo roketi ikomboragwo ta tekithi
Ndathi kwa mweri mwanake uyu wambe uriganire
Watwikire ungururagie ta itumbi ria mbumbui,
Rukungu-ini, nginya miigwa-ini ya coonge wooi
Ndeyohora ukahaica muti-ini kunyanirira
Witindike, gutengeria ruhuho niī ni ndarega
Wanandukaniria matigio ma wendo we
Riu ihinda ni rikinyite ukanjiria ngoro
Rimwe nyonaga ndirihirie, ngetigira
Ni mitino yarite raini niī Wanja ndiīhota
Wendo wa thakame ni muuru na wi ruo
Ningi ungigathira ngoro-ini ni woikarangaga
Kai hihi unguaga atia ndakuohera?
Ndakurekera maita maingi ukandua karimu
Watwikire ungururagie ta itumbi ria mbumbui,
Rukungu-ini, nginya miigwa-ini ya coonge wooi
Ndeyohora ukahaica muti-ini kunyanirira
Witindike, gutengeria ruhuho niī ni ndarega
Kwimenyerera gutingigiria uhingwo we
Na kwo kwigita ti guoya ke nguiyire hitho
Mitino yarite raini na no ui,
Nawe ndutuaga mitino kaba tutigane
Korwo ihenya ria kirindi ni uraremwo,
Tiga gutengeria mbarathi mwanake ndwihota
Kwinagio gicandi ni airitu a town,
Magakuria ta ngima hiu, ukaumirira iriku?
Watwikire ungururagie ta itumbi ria mbumbui,
Rukungu-ini, nginya miigwa-ini ya coonge wooi
Ndeyohora ukahaica muti-ini kunyanirira
Witindike, gutengeria ruhuho niī ni ndarega
Haiya!
Maria wananjika ni maingi na meruo,
Niī Wanja ngakiriria o njetagirira
Muthenya umwe ni ugakinya ugaruruke,
No riu ihinda ni rikinyu ukanjiria ngoro
Marīa wananjika ni maingi na me ruo,
Riu ihinda ni rikinyite ukanjiria ngoro
Muthenya umwe ni ugakinya ugaruruke,
Riu ihinda ni rikinyite ukanjiria ngoro
Watwikire ungururagie ta itumbi ria mbumbui,
Rukungu-ini, nginya miigwa-ini ya coonge wooi
Ndeyohora ukahaica muti-ini kunyanirira
Witindike, gutengeria ruhuho niī ni ndarega
Ni ndarega,
gutengeria ruhuho
Witindike!
“`fades“`
Lady Wanja
Track: Itumbi Ria Mbumbui
