Ndoimire Mombatha,
Ngithií gwitu Nyiíri
Njititwo ni baba,
Ngatabarire igongona
Ria uhiki witu na Susana
Tondu ni aracitie
Na gukagurario
Tukagwatithanio
Ndarugire cai
Menyithie arata
Ndimere ndia kunga
Mamenye kirabu kiao
Kia bachelor
Ndiri wakio ringi
Ngucoka gwitagwo
Ithe wa kahii kana wa kairiitu
Mwiíro wa ngoro
Naguo ndukinyaga
Urio ndoi ti uguo
Uge wa Ngai
Nduri mugaruri
Kana mukararia
Ndagika na núthu
Ikeno ciakwa ciothe
Ciatuikite kieha
Stage ya mbathi
Ndonire Lucia
Ahiuka ta mutego
Ari na ithanduku
Hamwe na gikabu
Anitite na guoko
Akinjira ndona
Ndimuhenie muno
Undigite guku
Kuria thiíri wene
Wega ni kuriha
Murata igwa ngwire
Utuire uhenagia
Nduri murata ungi
Na ndukahikia ungi
Na riu ndiraigwa
Wathií kuhikania
Na nií ndigwo o haha
Ndoririe Lucia,
Kai utaraigwa
Mwiri waku wega?
Nuú urakwirire
Ndathií kuhikania
Macio ni maheni,
Ndathií guthinjira
Ihu ria Susana
Tondu ndi kumuenda
Nake akinjokeria
Múkani magúta
Onanagía kínandú
Ngwenda tuthií nawe
Nginya kwanyu mucií
Acíarí makanyone
Mwarikia igongona
Tucoke Mombatha
Ngweterere uracie
Ngikira,ngimaka,
Ngituika ta bubu
Ndaigua uria acokirie
Wandora thigino
Iraitika ta mai,
Ngiinainaga moko,
Kuuma múthenya ucio
Noguo ndamenyire
Umbani uri thina
Kwiragwo ona igikua
Ni íikagia thari
Ni ndethethaniire
Lucia itikira
Utigwo Nairobi
Kwa your sister
Ndarikia igongona
Ngoka ngikuoyaga
Tucoke Mombasa
Nake akinjokeria
Tiga ithweri nyingi
Cia urongo na kwe
Ugithoma inter
Ndari primary
Na nyingi ndikuonga
Ndereirwo town,
Ndukandue calico
Iria muhenagia
Ngikira ngimaka,
Kiremaga arume
Kiri kigariure
Nguriha matatu
Imucokie Mombatha express
Na nií njoe Peugeot
Ndorete ya Nyiíri
Ngahikie Susana
Turi kanitha-ini
Ndonire Lucia
Aingira ahumite,
Akiira batiri
Tukuhika ithui eri
Nií na Susana
Akorwo ti uguo
Ni ngugera ngero
Njeterere ituiro
Haro ikigia iguru
Muhiki agitunywo
Mahua na neti
Batiri agitwira
Tuinuke ndekwenda
Mbara kanitha-ini
Ngitonya kanitha
Ndari wa ndebe imwe
Ngiuma ndi kobúro
FadesCredits
Maranga Wa Gatonye & Wilfried Ndirangu
Track; Umbani Uri Thina
Chandarana Records
1971
