Mboca ní úgwati,
Ítigaga ní yaria húúni,
Múkami mwega ma,
Ndakamagira rúúru,
Ní ndakúhoya,
Úreke wendo uyú witú útúre,
Ndúkanandemanie thí nií
Ta múrigo wa ngú;

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Ndúkananjikanie
Ta muhiki ndahikitie,
Kuma Githunguri,
Kúria gwitagwo
Kwa Wairera,
Anjohagirira giti-ini
Woi Na nyororo
Na athií agicoka,
Ngamuririra ta kaana

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Wendo ni ugwati ma,
Utumaga muugi akige,
Na ungienda mundu,
Ma ndumuonagira mahitia
Ona aherithia,
Ndonaga ahana muraika,
Ndamwitaga ciugo ciothe
Iri thí cia kumukenia

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Ndúkanandige,
Ona ingigagata
Ta ngambura,
Rúkuri ní nyama
Itukanitio na uki,
Uka umumunye,
Na uhimbirie
We mwendwa,
Rúungú ruciaraga,
Nyanja na nginyagia
Túihúri

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Njiguira tha tondu,
Wa iraka ici cia wendo,
Ndi mútarúkire
Cokia ngoro yakwa thaayú,
Tútirí acerere,
Ní túkwihaka,
Nginya túigane,
Kaba gúcererwo,
Gukira nama gútíra,

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Nítira haha njohero,
Ngunitire ciande,
Wathi wakúra wendaga
Kwongererwo ungi,
Ciana ici ciaku,
Cionie nií kunjitaga baba,
Maguta makúrú nama
Matiínaga rwímbo,

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

Tí wendi wa nyoni,
Kúúmba múti úría ítekwenda,
Ona gútuíka írí kúhúma,
Ndírí ítomba,
Ngítí korogocwe,
Ironírwo íkíongithia túnyau,
Ona ya rúríra yerirwo
Ní atí ní yúmanagwo

Umaga gíthaka kí huria,
Ugathií kí mbogo,
Kinya útigíríre,
Ní watinyia mbogo handú

“`Ends“`

Credits
Sammy Múraya
Vocals By Salim Junior
Track; Umaga Gíthaka