Thikiriria Jimmy nguganire rugano,
Rwa kuria ndaciariirwo
Iria-ini ria Naivasha
Nikuo ndaciariirwo,
Iria-ini ria Naivasha
Nake baba na maitu
Mategaga ciunguyu
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Nikuo ndaciariirwo
Iria-ini ria Naivasha
Baba na maitu makiona
Niwega thií cukuru
Ndarikia guthoma
Na ngiona wira
Noguo twendanire
Na mwendwa Jane
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Reke ngwire Jimmy,
Ni ndagerirwo ngero,
Muthenya umwe ki hwa-ini
Ndi hakwa thome
Ndathecirwo kahiu
Kamwe ka mbaru
Ni undu wa mwendwa
Wakwa Jane
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Ndarikia guthecwo,
Kahiu ka mbaru
Ndatigirwo hau
Hakwa thome,
Kwari heho nyingi
Na ndakomerire nyeki
Ngai ni munene
Tondu ndiakuire
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Ruci-ini kiroko tene,
Riria ruoro rutema
Ni ndonirwo ni mureithi
Wa mburi na ng’ombe
Niwe wanjitaniire,
Kuri John wa Maitu
Nake agiuka akinjoya
Akindwara thibitari
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Ni ngucoka o Naivasha,
O kúría ndaciariirwo
Ngore baba na maitu
Niguo heo kirathimo
Ndarikia kurathimwo,
Ni baba na maitu,
Macoke manyumagarie
Na thenge na harika
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
Na riria ndakinyire,
Baba na maitu no kiriro
Mwana witu ari gucoka
Uria twaigaga ni orire
Gikeno kiari mucií ucio
Kia baba na maitu Mukami
Utuku ucio ndiakomire
Ndaraire na gikeno
Ayu ayu Sammy
Acanda Jimmy
Ndimuthece kahiu,
Kamwe ka mbaru
Niundu wa mwendwa
Wakwa Jane
“`Fades“`
S.K Kimani & Joseph Kananda
Track; Rugano Rwa Naivasha
Lucky Boys Jazz Band
1979
