Hihi wanaigwa hagwetwo ati ‘Gútaganíría níkuo kwahúranírie hiti magúrú’? riu tega matú ngúganíre úría mícíngú íri yahuranirie hiti na gatagati;
Tene tene múno ri hiti niyahútite múno na ní yorúraga werú-ini igietha kíndú ingirúma
Niyakinyire rutere-ini rwa weru o hakuhi na kuria andu maikaraga na ikinita njira ya agendi o igiethaga kindu ingiruma
O ithiíte na njira, ni ya igwire múcingú mwega múno wa nyama na irio amú kwarí mwerí-ini wa Mwania Thenge mweri wa búúthi múingi
Warúhiti níakenire makiria akimenya na ngoro ngaragu niyathira, igikinita njira irumiriíre mútarariko mwega wa nyama
O ithiite uguo ri, njira ya agendi ikiahukana maita meeri no yanuhanuhira ri ikaigwa múcingú urauma miena yeeri ya njira, warúhiti agikirigwo egúthií na njira iriku
Niyeciririe muno na ikeyuria atiri
“Ngugera ino nyone ií kana ngaage kan ngere ino no nyingi no nyone kana njage?“
Niyatuire itua itaganure maguru mayo ithií na njira cieri ibuate múcingú nginyagia yumirire iruga-ini irie nyama
Riria yataganurire maguru ikianjia gúthií nacio njíra cíkianjia gútaganúka cikaraihanagiriria nayo hiti na mukoroko wayo ikianjia gwatuka na gatagati nginyagia igikua…
Karugano gakwa gathirira hau
