“Ngai mwega mutangiri wa ita
Mwamukiri magongona ma andu airu
Ngai uri mbere tutingihotwo ni thú
Mwene Nyaga twakuhoya
Twakuhoya wendani na gitiiyo
Na thaa nyingi cia mwendwa wa ruriti
Wuiguano wa Gikuyu na Mumbi
Mwene Nyaga twakuhoya
Rora mbere ucoke urore thutha,
Urie nyumba yanyu iroragirwo kií?
Athuri na atumia mari njera
Ciana ciatigirwo maganjo
Kenyatta hiuha, turehere wiyaathi
Nawe Mbiyu hiuhia itaha ria andu airu
Kenya yoothe iíhuirwo ni maithori
Ikiuria wiyaathi ugoka ri
Tugakena tukionana twi ithui othe
Kuuma Ngong nginya Karimatura
Hindi iyo kieha nigigathira,
Jamba cia ita ciahotana
Mundu uria wothe wendaga wiyaathi
Niamenyage wiyaathi ni uri hinya
Wi minoga na ngaragu na nyoota
Wahingia macio ni ukumona
Menyerera kunitwo ni thimo ya muthuuri Kenyatta
Kaba gukua kana gutura njera,
Ndugatuike ngombo ya mundu…”
Maranga Wa Gatonye
Mwene Nyaga
