Mwendwa ni ngukúuria kiuria
Nawe sweetie unjokerie
Tondu ndikwenda kuhana
Ta ndutuura iria karimu
Ni ui nií ni ngwendete
Ndukanjige na ciagago
Ndukanjagagie ta maai
Me irutu-ini mwendwa wakwa
Ithabu riaku ria wendo
Ria gutara na kuruta
Ndi mwena uriku?
Ta njira ií
Ndigekarange na makwa
Akorwo nií ndi ithabu-ini
Ria kuruta nyumburira
Ngihure gataru muiko
Njuge thí ndiigana ruhi
Mwendwa wakwa wanjiraga
Watuire uhoyaga Ngai
Niguo akuonithanie na nií
Ngai akiigua ihoya riaku
Waigaga ingigwitikira
We nduri hindi ukenda ungi
Riu nguona wendo witu ií
Ni munjuge mwendwa wakwa
Arata aku makuiraga
Munyendi utigane na nií
Ndingituika mutumia ií
Ndutaga wira wa kuina
Nií ndiakuiringiriirie
Nií Queen Jane ndiakui
Niwe wokire kunjetha ií
Na no wakiui ndi muini
Gwakwa riu gwatuikire
Ota ri kwa operator
Nduire huragirwo thimu ií
Ni thú cia wendo uyu witu
Njiragwo ndigane nawe
Kana nywenjwo itari maai
Ngirumagwo irumi njuru ií
Na ngoiga ndingienyenyeka
Ni maingi Jane nyonetio
Ni undu waku mwendwa wakwa
Mbaara ya mwiri ngahurwo ií
Mwendwa na ngakiriria
Nguuria nií ngorira thí
Woi ta miriiyo ya ngia
Nikio ni ngwenda kumenya ií
Ndi kwa ngú kana ithuki
Ni kwerirwo mwere mwega
Naguo umenyagwo na ngetho
Akorwo ni unyendete ií
Reke tumenyithie aciari
Ruracio rutiri bata
Ta tuheo kirathimo
Magetha ma wendo witu ií
Tumagethe mwendwa wakwa
Na tondu tene ni tene
Na thutha ni mugiano
Ndikwenda ngainira ihugo ií
Ta múka uri kironda
Ndikwenda kurugarugio
Nií ta githeri gia cumbi
Macookio ngwenda na ihenya ií
Kana utigwo ukiyariria…
“`Fades“`
Queen Jane
Track: Mwendwa Nyumburira
Queenja Les Les
